ჩრდილოეთ ოსეთში საშტორმო გაფრთხილება გამოცხადდა

თბილისი, 9 მარტი /”ახალი ამბები - საქართველო”/. ჩრდილოეთ ოსეთში საშტორმო გაფრთხილება გამოცხადდა – სინოპტიკოსები სამხრეთის ქარის მკვეთრ გაძლიერებას პროგნოზირებენ, განუცხადეს „რია ნოვოსტის“ რუსეთის საგანგებო სიტუაციათა სამინისტროს რესპუბლიკური მმართველობის პრეს–სამსახურში კვირას.

„სინოპტიკოსთა პროგნოზით, კვირას ღამით და ორშაბათს გამთენიისას და 9 მარტს, მთელი დღის განმავლობაში ჩრდილოეთ ოსეთის მთიან და მთისწინა რაიონებში მოსალოდნელია სამხრეთის ქარის გაძლიერება 20–23 მეტრის სიჩქარით წამში“, – აღნიშნა პრეს–სამსახურის თანამშრომელმა.

მისი თქმით, გაფრთხილება გაეგზავნათ რესპუბლიკის მუნიციპალური განათლებებისა და საცხოვრებელ–კომუნალური მეურნეობების საწარმოების ხელმძღვანელებს, ძლიერი ქარის შესაძლო შედეგების მინიმიზაციის მიზნით ზომების მისაღებად.

სამი წლის წინ, სწორედ 8 მარტს ჩრდილოეთ ოსეთის მთებზე ურაგანის სიძლიერის ქარმა გადაიარა, რის შედეგად სერიოზული ზიანი მიიღო რესპუბლიკის დედაქალაქის – ვლადიკავკაზის საცხოვრებელმა ფონდმა, ჯანდაცვის განათლების დაწესებულებებმა და ელექტროქსელებმა, – დასძინეს პრეს–სამსახურში. ––0––